ថ្ងៃទី៣ ខែតុលា ឆ្នាំ២០២៤ វេលាម៉ោង១៣:៣០នាទី ដល់ម៉ោង១៩:៣០នាទី នៅក្រុមប្រឹក្សាសេដ្ឋកិច្ច សង្គម ទីក្រុងប៉ារីស សាធារណរដ្ឋបារាំង ឯកឧត្តម បណ្ឌិត ចែម វីឌ្យ៉ា ប្រធានគណៈកម្មការទី៥ នៃព្រឹទ្ធសភា និងជាអនុប្រធានក្រុមសភាជាតិ-កម្ពុជាក្នុសភាប្រើភាសាបារាំង (Assemblée parlementaire de la Francophonie-APF) បានអញ្ជើញចូលរួមសន្និសីទអន្តរជាតិ ស្តីពីការបំលាស់ទីរបស់ប្រជាពលរដ្ឋនៅក្នុងប្រទេសហ្រ្វង់កូហ្វូន (La mobilité citoyenne francophone pour la création, l’innovation et l’entrepreneuriat) ដែលបានរៀបចំដោយសភាប្រើភាសាបារាំង-APF សហការជាមួយទីភ្នាក់ងារបារាំងសម្រាប់
អភិវឌ្ឍ (Agence française de développement-AFD) ដើម្បីប្រមូលយោបល់ និង អនុសាសន៍ជូនប្រមុខរដ្ឋ ប្រមុខរដ្ឋាភិបាលស ដែលចូលរួមកិច្ចប្រជុំកំពូល អង្គការអន្តរជាតិប្រើភាសាបារាំងលើកទី ១៩ ដែលនឹងប្រព្រឹត្តនៅថ្ងៃទី៤-៥ ខែតុលា ឆ្នាំ២០២៤។

នៅក្នុងឱកាសនោះ ឯកឧត្តម បណ្ឌិត ចែម វីឌ្យ៉ា បានធ្វើបទអន្តរាគមន៍លើប្រធានបទ ការសម្របសម្រួល និងការបម្លាស់ទីរបស់និស្សិតនៅក្នុងបណ្តាប្រទេសហ្រ្វង់កូហ្វូន ជាពិសេសនិស្សិតកម្ពុជា។
បន្ទាប់ពីបញ្ចប់កម្មវិធីមក ឯកឧត្តម បណ្ឌិត ចែម វីឌ្យ៉ា បានអញ្ជើញចូលរួមពិធីបំពាក់គ្រឿងឥស្សរិយយសឈ្មោះ Ordre de la Pléiade de l’APF ដែលបានប្រព្រឹត្តទៅក្រោមអធិបតីភាព ឯកឧត្តម Hilarion ETONG ប្រធានសភាប្រើភាសាបារាំង និងឯកឧត្តម Bruno FUCHS អគ្គប្រតិភូនៃសភាប្រើភាសាបារាំង។